APNE CLASS ME TOP RANK KAISE ACHIEVE KARE ? STEP WISE

Best rank achieve karna aasan nahi hota, aur ye kisi ke andar naturally nahi hota…best rank achieve karne ke liye zarurat hoti hai bahut mehnat aur dedication ki.
Lekin agar hum puri mehnat kare aur kuch steps follow kare to ye utna mushkil nahi hai.

TOP RANK KAISE ACHIEVE KARE

STEP 1
Homework in time: ye bahut hi simple hai, agar aapko top rank achieve karna hai to aapko hamesha apne homework ko up-to-date rakhna hoga, homework dene ka ek hi reason hota hai ke class me padhai gayi chize aaapko samajh aaye. Islye howework time pe zarur kare.

 

 

Step 2

Time ka sahi use kare: top karne ke liye time management bahut zaruri hai, ye zaruri hai ke aap regular padhai kare aur saari chize up to date rakhe, agar aap apni hobbies jaise sports,music etc me bhi time dete hai to aapko thodi aur mehnat karni hogi aur sabhi chizo ko saath me manage karna hoga.
Ek planner banaye aur ussi k according saare kaam kare.

 

STEP 3
Practice: “practice makes a man perfect” ye hum sab ne suna hai aur agar hum isse follow kare to kuch bhi achieve kar sakte hai.
Apne class me padhaye jaane waali chizo ko ghar aa kar wapas se padhe aur samjhe aur agle din jo class me padhai hone waali hai usse bhi ek baar padh ke jaaye, isse aap ek kadam aage rahenge.

 

STEP 4
Revise before your Test: exam se kuch week pehle se revision start kar de. Itne pehle se kare ke aapko sabhi subjects ache se revise karne ka acha time mile.
STEP 5
Keep calm : lambi saans le aur aapne jitna padha hai saare aaram se jawab de…ek baar me ek question pe dhyan de.

 

STEP 6
Active rahiye: jab aap class me active rahenge, class activity me participate karenge to aapko class boring nahi lagegi, aur jab aapko class boring nahi lagegi to aap class me padhai hui har chiz ache se samjh payenge.

 

STEP 7
Ache friend circle me rahe: ek acha friend aapki life acha kar sakta hai aur ek bura friend bura, islye aise friend circle ke saath rahe jo aapko acha karne me support kare naa ke bure logon ke saath.

 

STEP 8
Study hard: agar aapko ache marks laane hai to padhna sabse zaruri hai, regular routine se padhe aur sure kare ke aap puri syllabus cover kar rahe hai aur hard subjects ko jyada time de rahe hai.

 

STEP 9
Write neatly: handwrinting se bhale aapko extra marks na mile lekin agar aap neatly likhe to teacher ko check karme me pareshani nahi hogi aur uske accoring marks aayenge.

 

STEP 10
Assignments time pe kare: dhyan rakhe ke aap apne saare assignments time pe kare, kuch subjects ke kuch marks assignments pe bhi depend karte hai, aur top karne ke liye wo bahut important hai.

 

STEP 11
Class miss na kare: Class naa miss kare, class miss karne se aapke notes incomplete reh sakte hai jisse aapko padhai karte waqt samajhte waqt mushkil hogi.

 

STEP 12
Be confident: itni saari chize( upar ke steps) ache se karme ke baad confident rahe, agar aapne saal bhar ache se padhai ki hai to aap zarur acha perform karenge.

Leave a Reply

Your email address will not be published. Required fields are marked *